EUSKAMPUS BORDEAUX EGUNA 2021 eta Parkinson gaixotasuna ikertuko duen Mugaz Gaindiko Lankidetza Laborategi berri baten jaurtiketa

2021/11/02 09:05:00 GMT+1

 2021eko Euskampus Bordeaux Eguna ospatu zen Tabakaleran, Donostian. Topaketan, Lankidetzarako LTC berri bat aurkeztu da. ComorPD  izeneko laborategi berri honek Parkinsonen gaixotasuna aztertuko du

 

 ComorPD (Laboratory for Transborder Cooperation in Non-motor CoMorbidities in Parkinson's Disease)  laborategi  berri honek Parkinsonen gaixotasuna aztertuko du, zehazki, gaixotasunak eragindako konplikazio motor eta ez-motorren (mugimendu-arazoak eta alterazio neuropsikiatrikoak, besteak beste) .oinarri neuronalak deszifratzea bilatuko du. Proiektuaren arduradunak UPV/EHUko Cristina Miguélez eta Bordeleko Unibertsitateko Jérôme Baufreton dira. Mugaz Gaindiko Lankidetza Laborategiak Euskal Herriko eta Bordeleko ikerketa-taldeek elkarrekin lan egitea eta emaitza zientifikoen balio erantsia handitzea ahalbidetzen duten egiturak dira. Laborategi honekin, osasun arloko lehena, dagoeneko bost LTC martxan daude. Beste lauek eskala kuantikoko kimika-fisikan, fabrikazio aurreratuan, matematika aplikatuan eta hormigoi jasangarrietan ikertzen dute.

Aurten, Euskampus Bordeauxek Donostian, Tabakaleran, egin du  bere komunitatearen topaketa, aurrez aurre, formatu berritu batean. Urriaren 28an eta 29an egin den  bi lanaldi erdiko programan parte hartuko duten guztien interakzioa eta parte hartzea sustatu da.

Topaketaren bideo laburpena

 

Hamar urteko ibilbidearekin, Euskampus Bordeaux Eguna 21 une pribilegiatua izan da baterako mugarri nagusiak errepasatzeko, komunitate honen ezaugarriak balioesteko eta mugaz gaindiko lankidetzen ondorioz garatzen diren 20 proiektu enblematiko baino gehiago bateratzeko.

 “Goranahi handiagoa izan behar dugu, ezagutza eta berrikuntza lurraldearen benetako ardatz bihur daitezen”, adierazi zuen Tuñon de Larak.

Ekitaldian, osoko bilkurak (streaming bidez zabalduko dira publiko zabalago batentzat), parte hartzeko tailerrak (edizio honetako berritasuna) eta topaketa sozial eta kulturalerako uneak izan dira. Programaren berritasun hori aurreko edizioetako parte hartzaileen eskaerari erantzuteko sartu da; hau da, espazio batean interakzioan aritzeko aukera jasotzea, elkar hobeto ezagutzeko, topaketa testuinguruan kokatzeko eta lankidetza sareak ehuntzen jarraitzeko; azken batean, harreman pertsonal-profesional irmoetan oinarritzen dira horiek. Pertsonak dira mugaz gaindiko lankidetzaren etorkizuna eraikitzen dutenak, eta erakundean uste dugu garrantzitsua dela gizarte kohesio multikultural, eleaniztun eta diziplinartekorako espazioak partekatzea.

 

Batera sortzea eta konektatzea, guztion onerako da Euskampusen goiburua, eta une pribilegiatua da hau Euskampus 2016az geroztik diziplinaz gaindiko lankidetzari buruz egiten ari den hausnarketaren fruitua praktikan jartzeko. Diziplinen eta proiektuen arteko elkarrekiko aberaste espazio horrek jarduera esperimental baten itxura hartu du, eta espero dugu baterako proiektu bati aurre egiteko orduan ikuspegi desberdinen artean sortzen den sinergia egiaztatu ahal izatea. Ziur gaude kalitatezko diziplinaz gaindikotasunak ikaskuntza, konexio eta proiektu berrien espiral birtuosoa sortzen duela.

 Euskampus Bordeaux Eguna 2021_Dinamika

Irudian, partehartzaileak dinamikan

 

“Mugaz gaindiko testuinguruetan, eleaniztunetan, kulturartekoetan eraikitzen” urriaren 28an egindako parte hartzeko tailerra Euskampus Bordeaux komunitatearen kultura, hizkuntza, erakunde eta diziplina aniztasunari balioa emateko gune bat izango da. Hori izan da goi mailako hezkuntzaren mugaz gaindiko testuinguru bat batera eraikitzeko oinarria. Espazioa errazten dugu, gure identitate ugariekiko harremana errazteko, gizarte kohesio horrek aukera eman dezan erronkei heltzeko eta etorkizunean lankidetza bideak irekita izateko.

 

Gainera, bi unibertsitateetako gradu, master eta doktoregoko 10 ikaslek bat egin dute euren proiektua topaketaren bigarren egunean 180 segundotan aurkezteko erronkarekin. Edizio honetan, gaztelaniaz, frantsesez eta euskaraz eman ahal izan da dibulgazio ormatu horretarako prestakuntza, eta espero izan da lehen aldiz hiru hizkuntzetan egin direla aurkezpenak, unibertsitateko hezkuntza-espektro osoa (gradua, masterra eta doktoregoa) lehen aldiz betez.

 

Proiektuen plaza

Zientzia irekiaren alde ere egin da, eta, urriaren 29an, “proiektuen plaza” bat proposatu da. Bertan, publikoak Euskampus Bordeaux komunitatearen proiektuak modu interaktiboan eta parte hartzailean ezagutzeko taldeak osatu ditu. Proiektuen plazan, komunitateen, elkarlaneko ikertaldeen, Euskampus Erresilientzia COVID-19 programaren eta mugaz gaindiko ikerketa laborategien proiektuekin topaketak egitea ahalbidetuko duten ibilbideak definitu dira.

Laburbilduz, Euskampus Bordeaux komunitatearen baterako jardueren multzo zabalaren 20 ekimen baino gehiagoren lagin txiki baten aurkezpena, bi unibertsitateek eta Tecnalia eta DIPC bazkideek dituzten lankidetzen aniztasuna erakusten duena:

  • Ezagutza komunitate bat (Fotonika)
  • Baterako lau laborategi (Adimen Artifiziala, Itsas Inguruneko Energia Berriztagarriak, Garapen Farmazeutiko Aurreratuak eta Hormigoi Jasangarrien Diseinua).
  • Baterako lau titulazio (Itsas Baliabideak, Ingurumen Ekotoxikologia, Polimeroen Zientzia eta Teknologia, Sare Elektriko Adimendunak).
  • Euskampus Erresilientzia COVID-19 programako sei proiektu.
  • Askotariko bost proiektu: sareak, hezkuntza-berrikuntza, ikerketa, etab.

 

Azkenik, aipatu behar da aurtengo edizioan jarduera ludiko-kultural bat egin ahal izan dela, Chillida Leku Museoan. Parte hartzaileek bisita gidatu bat egin dute museo paregabe batean –artelan handi bat da–. Bertan, arteak eta naturak euren kabuz egiten dute bat, modu naturalean. Eskulturak paisaiarekin bat egiten dute, betitik izango balira bezala haren parte. Lorategian, pagoak, haritzak eta magnoliak altzairuzko eta granitozko eskultura monumentalekin batera bizi dira, elkarrekin; ingurumenarekin elkarrizketa perfektua izateko moduan kokatuta daude eskulturak. Pertsonek artearekin eta naturarekin interakzioan egoteko une liluragarri bat izan da.

Itxiera-saioan, honako hauek izan dira hizlariak: Eva Ferreira, Euskal Herriko Unibertsitateko errektorea; Manuel Tuñon de Lara, Bordeleko Unibertsitateko errektorea; Ricardo Diez, DIPCeko zuzendaria; Jesús Valero, Tecnaliako zuzendari nagusia; Miren Artaraz, Eusko Jaurlaritzako Hezkuntza Saileko Unibertsitate Politika eta Koordinazioko zuzendaria; eta Mathieu Bergé, Akitaniako Unibertsitate Berriko kontseilari ordezkaria. Jarraian, Manuel Tuñon de Lara omendu dute. Bordeleko Unibertsitateko errektore gisa, mugaz gaindiko campusaren proiektua bultzatu zuen hasieratik, eta orain bere azken agintaldia amaitzen ari da.

“Goranahi handiagoa izan behar dugu, ezagutza eta berrikuntza lurraldearen benetako ardatz bihur daitezen”, adierazi zuen Tuñon de Larak, Kresala taldeko dantzari bikote baten emanaldiaren ondoren.

Donostiako Orfeoiaren emanaldi bikain batek amaiera eman zion topaketari,  euskal arte eta kultura,  abangoardiako mugaz gaindiko ikerketarekin lotutako hitzordu honetan.

Argazki bilduma ikusi.

Informazio gehiago urteroko topaketei buruz.

Harpidetu Newskampus boletinera

Pribatutasun politika irakurri dut eta onartzen dut.